Um verkætlanina

Í Føroyum í dag mást tú altíð hava eina orsøk fyri, hví tú ikki drekkur – hetta ynskja vit at broyta. Verkætlanin Liv lívið ynskir at broyta hugburðin, ið føroyingar, ung sum vaksin, hava til rúsdrekka og rúsevnir. Tað er okay at lata vera, tí tú ikki hevur hug. Eisini ynskja vit at fyribyrgja, at ung koma út fyri keðiligum hendingum orsakað av rúsi og at fyribyrgja, at ung gerast bundin at rúsevnum/-drekka.

Avgerðin er tín

Nógv ung kenna seg uttanfyri, um tey ikki rúsa seg. Summi halda seg ikki vera ‘cool’, um tey eru rúsfrí. Onnur kenna seg trýstan til at rúsa seg. Onnur dáma ikki seg sjálvan, uttan tey eru rúsað– tora ikki at vera seg sjálv. Onnur hava tað trupult við at hava tað stuttligt uttan rús.

  • Vit ynskja at verða ein stuðul hjá tær, ið kennir teg uttanfyri, tí tú ikki rúsar teg, ella kennir teg trýstan til at rúsa teg
  • Vit vilja vísa á, at tú kanst gott vera rúsfrí/ur og cool
  • Vit ynskja at hjálpa tær at tora at vera tú – tú ert nóg góð/ur , sum tú ert. Tær tørvar ikki ein rús
  • Vit ynskja at vísa á, at tú kanst hava tað stuttligt og vera við uppá tað uttan at rúsa teg

 

Høvuðsstuðul er: