Heilt appilsinfríur
Blái Krossur Føroya og Ráðið fyri Ferðslutrygd hava gjørt ein leskiligan rúsfrían kokkteyl saman við Gutta Winther. Drykkurin er ein leskilig samanrenning av rabarbum, stjørnuanis og ingifersodavatn. 🤩🍹 So nú kanst tú smakka tær á – og framvegis koyra bil. 🚗
Vit hava tillaga uppskriftina til tá tað skal ganga skjótt. Uppskriftin hjá Gutta Winther er niðanfyri.
Tillagaða uppskriftin
Hetta skalt tú brúka til 9 oz gløs:
8 cl rarbarbusirop
Fyll glasið við ingifersodavatn (vit nýta Fentimans natural ginger beer)
1 stjørnuanis
ísterningar
Soleiðis gert tú
- Ger ein sukurkant (dyppa glasið í sirop og síðani í sukur)
- Blanda alt tilfari saman í glasið
- Koyr ísterningar og stjerneanis í glasið
__________________________________________________________________________________
Uppruna uppskriftin
Hetta skalt tú brúka til 4 kokkteylar:
- 175 g reyðar, smáttskornar rabarbur
- 50g rørsukur
- 2,5 dl vatn
- 1 stjørnuanis
- Ísterningar
Soleiðis gert tú:
Kóka upp. Skrúva niður. Lat smákóka í 15 min. Síla frá og goym kalt. Ómakaleyst!
Forkunnugt hvannsukur
Tú kanst gera drykkin uppaftur leskiligari við hvannsukur:
- 1 dl rørsukur
- 1 stelk av hvonn við bløðum
SOLEIÐIS GERT TÚ
Skálda hvonnina í 15 sekund og legg hana so í ísakalt vatn. Turka og blenda hana við sukrinum. Set ovnin á 50 stig at seinturka hvannsukrið í 4 tímar, til tað er stadnað. Klumpast tað, mjølvar tú tað sundur í blendaranum aftaná. Forkunnugt!
Smakkurin av føroyskum sumri
Fyll 4 coupé-gløs við ísterningum fyri at køla gløsini. Koyr ísterningarnar úr køldu gløsunum. Dyppa glasrondina í vatn og síðani í sukrið. Aha – akkurát! Har fórt tú frá heimabartendara til mixolog. Koyr ísterningar, rabarusaft og stjørnuanis í eitt blandiílat og rist tað væl. Nú skeinkir tú rabarbusaft í gløsini og fyllur við ingifer-sodavatn. Frískt og freistandi.
Ger so væl – ein heilt appilsinfríur 😀💪🍹
Uppskriftina til drykkin ‘Espressoskeyk’ finnur tú her!
