Veitst tú, hvat ungdómurin drekkur og hví? Hevur tú havt samtaluna við títt barn um rúsdrekka? Lær meira og fá ráð um, hvussu tú tekur evnið upp.
Sum foreldur, avvarðandi ella vaksin sum heild stendur ein ofta hjálparleysur og veit ikki, hvat man kann gera. Her eru nøkur ráð til, hvat tú sum vaksin kanst gera og siga við ungdómin.
Rúsdrekka er meira skaðiligt fyri ung, tí heilin ikki er fult mentur, fyrr enn vit eru um 21 ára aldur.
Hassj er vanaelvandi og kann leiða til angist og angistanføll, andatrupulleikar, hjartabankan og sálarsjúku.
Næstan helvtin av neyðtøkum henda í samband við, at fólk hava rúsað seg.
Ein heili, ið ikki er fult mentur, ávirkast meira neiligt av rúsinum og kann skjótari leiða til bundni. Her kanst tú lesa um, hvussu rúsur ávirkar ung.
Tað finnast nógvar mytur viðvíkjandi ungum og rúsdrekka. Her kanst tú lesa um, hvat gransking sigur um m.a. at geva ungum rúsdrekka, og um hassj er vanabindandi.
Vit ynskja við hesi heimasíðuni at skapa eitt stað, har foreldur kunnu lesa hvat gransking innan økið mælir til, fáa ráð til hvussu man tosar við ung um rúsevnir/-drekka, og fáa kunning um vandarnar av rúsi frá fólki, ið arbeiða innan økið, eitt nú løgreglu, rúsviðgerarum og fyribyrgingar-ráðgevum.
Les meira
Eitt átak samskipað av
