At velja eitt rúsfrítt summar inniber, at tú í summarferiuni (ella í tínari feriu) velur rúsin frá, tvs. at tú ikki drekkur ella rúsar teg á annan hátt 🙂 Tað kann vera, at tú aldrin drekkur ella tað kann vera, at hetta er sera avbjóðandi  – avbjóðingin er hervið send til júst tín, ið lesur hendan tekstin 😉

Ung frá undanfarnu árum hava sagt, at hóast tey vanliga drukku, so høvdu tey eitt gott summar, vóru betri uppløgd og nógv betri fyri til at byrja aftur í skúla/arbeiðis eftir summarið.

Fyri at vera við í kappingini skal tú fylla teigarnar út omanfyri og trýsta á knøttin. Tá ert tú við í kappingini og vit kunngera vinnararnar á heimasíðuni, sosialu miðlunum og kontakta vinnarin beinleiðis.

At velja rúsin frá hevur nógv gott við sær – serliga gott er tað fyri heilsuna. Kroppurin hjá okkum er minni stressaður tá vit ikki drekka, vit sova betur og eru sum heild betri fyri. Tað kann eisini vera, at tú lærir okkurt nýtt, fært nýggjar vinir og kemur lættari ígjøgnum summarið – hetta hava ung boða frá, ið áður hava roynt at hildið eitt rúsfrítt summar 🙂

Tú kanst vinna

• Biograftúr fyri 2
• Ribtúr runt Heystoynna fyri 2
• Ríðitúr í Vágoynni fyri 2
• Bovling í Leirvík
• Sýklutúr við elsýklum fyri 2
• Túr fyri 2 til Vestmannabjørgini